Пра нашу і вашу гісторыю

Зборнік артыкулаў аўтарства Анатоля Трафімчыка прадстаўляе бачаньне аўтара на разьвіцьцё гістарычнай думкі апошняга часу. Акрамя «рэцэнзійнасьці» аўтар прыбягае і да прыёмаў крытыкі, характэрных для мастацкай літаратуры. Але перадусім мэтай артыкулаў – выклікаць шырокую дыскусію на тэму гісторыі, праз прызму іроніі, а часам сатыры, Анатоль Трафімчык спрабуе расштурхаць старыя ідэалягемныя ўспрыманьні падзеяў гісторыі Беларусі ды Ўсходняе Эўропы. Розныя па тэматыцы і накірунках артыкулы сабраныя разам сваёй дасьціпнасьцю і сьмеласьцю не пакінуць абыякавым нават самага патрабавальнага чытача. Анатоль Трафімчык яшчэ ва ўступным слове рыхтуе нас да развагі і сур’ёзнай дыскусіі, а мэта яго адна - ачысціць гісторыю ад міфалягемаў створаных папярэднімі ідэалягічнымі сыстэмамі.